%d9%85%d8%ac%db%8c%d8%a8 %d8%a7%d9%84%d8%b1%d8%ad%d9%85%d9%86 %d8%a7%d8%ad%d8%b3%d8%a7%d8%b3

حکومت د جنرال دوستم د لمنې داغ خپله مینځي

29.01.2017 13:04

 

مجیب  احساس                حکومت د جنرال دوستم د لمنې داغ  خپله مینځي

د ولسمشر محمد اشرف غني د لومړي مرستیال د ګوښه کولو لپاره د حکومت سناریو تر ډيره بریالۍ وه،ځکه جنرال دوستم د احمد ایشچي په تښتونې او ځورونې په کافي ډول بدنام شو او له واک څخه د ناوړه کټې اخستنې په تور د سختې سزا مستحق وبلل شو.

پر جنرال دوستم وسلوال برید چې نوموړی ترې په نادر ډول روغ ووت د سناریو لومړۍ برخه وه چې عملي نشوه او له همدې امله یې دوهم انتخاب(سیاسي ترور)غوره وبلل شو.

احمد ایشچي چې د جنرال دوستم پخوانی سیال بلل کیږي په شمال کې په کافي اندازه نفوذ لري او یو مهال ترې د جنرال دوستم سترګه هم سوځېده، خو په وروستیو کې یې اړیکې خرابې شوې وې او دغې چارې د افرصت رامنځ ته کړی وو چې دغه مهره د جنرال پرضد وکارول شي.

ښایي په شمال کې د جنرال دوستم مها لنیو عملیاتو به حکومت هم ستومانه کړی وو،ځکه له یوې خوایې له ګټې پرته ستر مالي لګښت درلوده او له بل پلوه داسې شک کېده چې ګني امریکا هم د دغو عملیاتو له بڼې ناراضه ده،ځکه د خپل یوازیني رقیب، مسکو د وېرولو لپاره د داعش پروژې دعملي کېدو مخې ته اړم شوی وو.

احمد ایشچي چې په رسنیو کې یې د ورسره شوي جنسي تجاوز په تړاو سپینو خبرو ټول هک حیران کړل د ډیرو لپاره له تمې لرې وې.

د جنرال دوستم پر وړاندې یې حساسیت دومره زیات کړ چې ان د هغه د ګوند غړو هم له دوستم څخه  په دفاع کولو کې د شرم احساس کاوه .

له دغو څرګندونو وروسته تمه دا وه چې جنرال به د خپلې د فاع لپاره په عاجل ډول غبرګون وښيي او په طبعي ډول دغه تورونه رد کړي،خو  دفتر یې یوازې د اعلامیې خپرول کافي وبلل او جنرال دوستم د څه مودې لپاره په شمال کې پټه خوله غوره وبلله.

افغان حکومت د خلکو په همدې تودو احساساتو کې د نوموړي د احضار حکم ورکړ او عدلي اوقضایي ادارو ته یې سپارښتنه وکړه چې دغه موضوع په جدي ډول وڅيړي.

لویې څارنوالۍ دری ځله دوستم ته جلب ولیږه ،خو نوموړي د حکومت دغه حکم وننګاوه او ویې ویل چې د ولسمشر لومړی مرستیال له دې حکم پورته دی او محکمې ته نشي حاضرېدای.

خو له څه کم یوې میاشتې ځنډ وروسته دوستم کابل ته په خورا کش او فش داخل شو او د ناتایید شویو راپورونو پراساس د ولسمشرۍ ماڼۍ شاو خوا ته کابو شل زره اوزبیک جنګیالي ځای پرځای شول او د جنرال د حکم انتظار یې کاوه.

 کابل ته د جنرال دوستم له راتګ سره سم پر ارګ کورني او بهرني فشارونه هم زیات شول او ویل کيږي د ترکیې په ګډون د جنرال دوستم پلوه هیوادونو خبرداری ورکړی چې له دوستم سره دې نه لګیږي.

 د جنرال دوستم قضیه چې له وړاندې د ولسمشر د میز پر سر پرته وه د حکومت لپاره پر یوه ستر ازموښت بدله شوه ،ځکه دعام اولس تمه همدا وه چې حکومت له دې قضیې سره جدي چلند کوي او د احمد ایشچي چې د هر چا له انده مظلوم واقع شوی باید ملاتړ ته وشي.

خو حکومت چې د دوستم د پلوۍ په تړاو پټ اوښکاره غبرګونونه ولیدل او د هیواد حساس شرایط یې ترنظر تېر کړل دغه قضیه ورته د سر په بیه تمامېده.

 ویل کیږي کابل ته د ازبکستان د بهرنیو چارو وزیر راتګ او د جنرال دوستم سره د پردې ترشا خبرو وروسته پریکړه شوې، چې حکومت به له خپل دریځ اوړي او د ایشچي قضیې لپاره به د خټې پوزه جوړه کړي.

د شوي توافق پر اساس د سترې محکمې له لوري د جنرال دوستم د نهو ساتکونو له نیول کېدو وروسته به هغوی ته داسې اسناد جوړيږي چې ګني دغه نهه کسان د پېښې په ورځ له دوستم سره نه وو او دعدلي طب د فرمایشي څېړنو پراساس یاد کسان په پر احمد ایشچي په جنسي تجاوز کې ښکېل ندي.

پر دغو اسنادو به د جوزجان والي هم لاسلیک کوي او دا به تایید کړي چې د څیړنو په پایله کې وموندل شوه چې د جنرال دوستم نهه تورن ساتونکي د پېښې په ورځ په خپل کور کې وو.

په دې ډول به د احمد ایشچي ادعا هم غلطه ثابته شي او جنرال دوستم به هسکه غاړه  د لومړي معاونیت څوکۍ ته ورستون شي.

نو کله چې دغه نهه کسان سپین راووتل،نو ښکاره  ده چې د جنرال دوستم په لمن به هم د جنسي تجاوز داغ پاک ومینځل شي.

 

 

 

 

 


  • 18450213 1916313608614332 1736232605 n
  • 18450248 1916308945281465 949635304 n
  • 18470653 1916320905280269 732160698 n
  • 18470679 1916308631948163 616016764 n
  • 18470732 1916309365281423 1111071676 n
  • 18470752 1916309515281408 1800827487 n
  • 18470765 1916309411948085 545335629 n
  • 18470821 1916612265251133 2095314816 n
  • 18470963 1916319528613740 1862210962 n
  • 18471139 1916309068614786 385299988 n
  • 18471144 1916319745280385 569107327 n
  • 18471350 1916319451947081 311847707 n
  • 18471369 1916309288614764 2099025407 n
  • 18492039 1916308878614805 804399797 n
  • 18492440 1916321068613586 2123100714 n
  • 18492792 1916309481948078 1892637708 n
  • 73
  • 74
  • 18446655 1655263837832243 3670026110373129708 n
  • 18447566 1916258338619859 8059026036591576355 n
  • 18447709 1916325068613186 225000452 n
  • 18447718 1916323505280009 1858285522 n
  • 18447751 1916320241947002 1561719756 n
  • 18447843 1916322698613423 2070385433 n
  • 18447877 1916319498613743 1606899767 n
  • 18447903 1916320268613666 809524758 n
  • 18447965 1916320978613595 48870013 n
  • 18447975 1916319508613742 1717676976 n
  • 18448082 1916316648614028 965101542 n
  • 18448193 1916319645280395 733091052 n
  • 18449769 1916320258613667 483523472 n
  • 18450014 1916312995281060 2074206024 n
  • 18450168 1916309225281437 13923238 n

99